Manuel Jesús Morán ganó’l concursu de Meyor Sidre Casero del Conceyu Xixón
LA SIDRA.- Nun apiertáu concursu nel que participaron un total de 26 llagareros artesanales de Xixón, con una sidre de perbona calidá, sigún manifestó’l presidente del xuráu, Joaquín Fernández. Manuel Jesús Morán, de Garbelles, Caldones, resultó ganaor del primer concursu de Meyor Sidre Casero del Conceyu Xixón, colo que se clasifica, xunta col segundu y terceru, José Amador Álvarez (Granda) y Marcos A. Fdez (Santuriu), pasando a la final del campionatu d’Asturies que se cellebrará en Villaviciosa.
Manuel Morán, que fai ente 250 y 500 llitros de sidre al añu, lleva mayando “tola vida”, con “mazana casero, de pumarada tradicional y en tonel de maera, comu siempres se fizo”, y dase’l casu de que nun cuntaba participar nel concursu y tuvieron que animalu les amistaes pa que lo fixere.
