Per cuartu añu consecutivu, nesta VI Primer Sidre l’Añu, LA SIDRA entama’l Concursu de Sidre Casero col sofitu de la Tonelería Hermanos Argüelles.
LA SIDRA.- El concursu ta empobináu a llagareros non profesionales qu’empleguen el sistema tradicional en pipa de maera, al oxetu de da-y puxu al usu d’esti material pa la ellaboración de sidre. Cellebraráse’l domingu 5 d’Abril y espérase una perinteresante participación.
Esti concursu de sidre casero ye l’únicu de los esistentes que tien ámbetu asturianu, darréu que los fasta agora esistentes suelen tar llimitaos al conceyu nel que se convoca. Arriendes d’ello, nesti casu l’ámbitu asturianu entiéndese comu’l territoriu hestóricu asturianu, ello ye, l’Asturies d’anguañu, la de Santillana, la de Tresmiera, La Llébana, norte de Lleón y oriente de Lugo.
