Güei tendrá llugar la final de la Meyor Primer Sidre l’Añu, a la que pasaron: Fran, Piñera, La Morena, La Golpeya, Pachu, Orizón y Canal.
LA SIDRA.- Güei sábadu, a les 17 hores, tendrá llugar na Sidrería El Canigú de Xixón, la final de la Meyor Primer Sidre l’Añu, na que tres el procesu selectivu d’ayeri tendrá comu protagonista a la sidre de: Fran, Piñera, La Morena, La Golpeya, Pachu, Orizón y Canal.
Con 36 sidres presentaes en tiempu y forma, el procesu de seleición pa la final resultó bien abegosu dalo l’alta calidá de la sidre presentao, polo qu’en cuentes de les 5 previstes, hebio qu’enanchar la seleición a 7, ente les qu’el xuráu tendrá que sacar güei la que sedrá declarada Meyor Primer Sidre l’añu.
La final del concursu sedrá daqué estremada a la avezada, darréu que les 7 sidres finalistes sedrán prebaes en tastia ciega pol xuráu, pero que sedrá abierta al públicu, pudiendo asina siguir en direutu les valoraciones del xuráu y conocer la puntuación algamada en ca momentu poles sidre participantes. Arriendes d’ello, los asistentes podrá prebar estes sidres clasificaes y valorales de primer man.
