Agora mesmo, con 34 llagares participantes, el concursu de la Meyor Primer Sidre l’Añu, atópase ente los más importantes del país.
LA SIDRA.- Pesia la novedá que supón un concursu específicu pa la sidre del añu ensin trasegar, l’ésitu de la convocatoria ye talu qu’agora mesmo yá cunta con 34 llagares participantes, lo que lu asitia ente los 3 más importantes del país en cuantu a númberu de participantes.
Una vuelta más queda nidio’l compromisu de los llagares asturianos, que pesia les dificultaes que-yos pue suponer corchar específicamente pal concursu esa sidre nuevo, participen mayoritariamente nesta convocatoria de LA SIDRA.
Con esti premiu LA SIDRA pretende animar a los llagares asturianos a sacar esta primer sidre direutamente al mercáu, y la sidre ganadora sedrá declarada sidre oficial de la Primer Sidre l’Añu ’14 que se cellebrará la prósima Selmana Santa nel Muséu del Pueblu d’Asturies, y de la qu’alquiriremos al llagar un mínimu de 100 caxes de sidre.
