BASES DEL CONCURSU DE SIDRE CASERO.
Tonelería Hnos Argüelles
1ª Podrán concursar tolos llagareros non profesionales de l’Asturies hestórica. (L’Asturies d’anguañu, la de Santillana, la de Tresmiera, La Llébana, norte de lleón y suroriente de Lugo, qu’ellaboren la sidre en pipes de maera.
2ª Ca concursante tien d’apurrir seyes (6) botelles d’igula calidá, en cascu de botella sidre normal o axampanao.
3ª Les botelles nun cuntarán con dengún signu que puea identificar a los concursantes.
4ª La entrega botelles podrá rializase dende’l díi 28 de marzu fasta’l 8 d’abril a les 12:30 hores, dambos incluyíos, Bien en L’Ayalga (Prendes Pando 11 baxu. 33207 Xixón) o nel Muséu del Pueblu d’Asturies del 5 al 8 d’abril. Teléfonu de contautu 652 594 983.
5ª El xuráu tará compuestu por cincu presones. Rializaráse una tastia inicial pa esbillar les 10 botelles finalistes. Darréu tomaranse nueves botelles de les 10 series esbillaes y el xuráu tornará a evaluar la so calidá. La sidre qu’algame más puntos nesta segunda ronda sedrá la ganaora.
6ª La entrega premios rializaráse una vuelta fináu’l concursu, siendo obligao la presencia del llagareru, casu contrari, el premiu sedrá pal siguiente clasificáu.
7ª Tou participante, pol fechu concursar, acepta estes bases asina comu’l fallu del xuráu, quedando ésti autorizáu pa dirimir cualisquier dulda que se plantegue demientres la cellebración del concursu.
8ª Les botelles sobrantes quedarán a dimposición de la organización, que les distribuirá de baldre ente toles presones qu’acudan al concursu.
9º Tou participante recibirá un diploma y un detallín.
10º Los premios sedrán:
Primer premiu.- Pipa tallada de 250 llitros de maera castañal, cortesía de tonelería Hnos Argúelles y llote llibros cortesía d’Espublizastur.
Segundu premiu.- Arca artesanal, cortesía de tonelería Hnos Argúelles y llote llibros cortesía d’Espublizastur.
Tercer premiu.- Talla de maera cortesía de tonelería Hnos Argúelles y llote llibros cortesía d’Espublizastur.
10º El concursu entamará’l domingu 8 d’abril a les 12:30 hores nel Muséu del Pueblu d’Asturies de Xixón.
