La llocalidá gallega de Bembrive entama la campaña “apadrina un pumar” pa garantizar la ellaboración de sidre pa la fiesta qu’entama n’ochobre.
LA SIDRA.- La ellaboración de sidre ca vuelta se fai más xeneralizada, de tala miente que si onde enantes se producía mazana agora ta ellaborándose sidre, tamién hai llugares onde nin mazana hai que tan dando-y puxu a la ellaboración de sidre, comu ye’l casu de la llocalidá gallega de Bembrive que ta entamando la campaña “apadrina un pumar” pa poder producir sidre con mazana del llugar.
Agora mesmo en Bembrive cunten con unos 500 pumares, 200 llantaos l’añu pasáu y esti añu pretenden llantar otros tantos.
Bembrive cellebra la so “Festa da Sidra” la primer fin de selmana d’ochobre, y nesta decimosétima edición espera una participación d’unes 5.000 presones, y onde podrá degustase la sidre casero qu’ellí ellaboren.
