Esta fin de selmana tendrá llugar el XXII Mercáu Agrosieru, que cuntará con una carpa nel esterior de la Plaza Cubierta dedicada al mundiu de la mazana y la sidre.
LA SIDRA.- Esta nueva edición d’Agrosieru apuesta serio pola sidre, con 300 metros cuadraos dedicaos espresamente a la sidre y la mazana, una iniciativa que fai d’esti eventu una referencia obligada pa tol seutor sidreru y cola qu’afonda nel so compromisu con tol seutor productivu agroalimentariu asturianu.
Dientru la carpa sidrera, y comu davezu, habrá esposiciones de mazana de sidre y de mesa, preba de sidre -mercando previamente’l vasu- de los llagares sierenses que participarán nel mesmu y l’indispensable Concursu d’Echaores, validu pal Campionatu d’Asturies, qu’agora mesmo atópase nel so momentu más álxidu con una clasificación bien axustada.
Una oportunidá perafayaiza pa esfrutar de la nuesa bébora patria, al empar qu’esfrutamos de lo muncho qu’ufierta la ganadería y el campu asturianu.
