Nel mes d’agostu, les ventes de sidre meyoraron un 5% respeutu al añu anterior, y ente xunu de 2014 y xunetu de 2015, el xorrecimientu foi del 3,8%.
LA SIDRA.- Los datos provienen del Ministeriu d’Agricultura Alimentación y Mediu Ambiente (Magrama), y fueron espardíos pol Conseyu Regularo de la DOP Sidre d’Asturies, que tamién comunicó comu sigún los sos rexistros, demientres el mes d’agostu de 2015 les ventes xorrecieron un 5% respeutu a agostu de 2014, mes nel que medraron de forma espeutacular un 20% respeutu al mesmu periodu de 2013, lo que dexa nidio que se trata d’un productu de tendencia que ta perafitándose nes preferencies de los consumidores.
A xuiciu de Reyes Ceñal, xerente del CRDOP Sidre d’Asturies, “atopámosmos nuna coyuntura perfavoratible que s’algamó gracies a los esfuercios de tol seutor a la hora de comunicar les cualidaes d’esti productu naural, artesanal, con cualidaes diferenciales y a un peciu mui competitivu”.
La imaxe positiva, anovada y moderna que se percibe d’esti productu ye otru fautor que ta propiciendo’l xorrecimientu de les ventes, sobro too, ente la mocedá, segmentu de la población nel que xorreció especialmente’l so consumu,
