Tendrá llugar el domingu 20 de mayu y participarán 18 llagares
Col tonel del bulevar de la sidre como telón de fondu, presentóse la XIX Preba de la sidre, que se cellebrará’l domingu 20 de mayu.
Na mencionada presentación tovieren Francisco A. Colunga, Presidente de la Asociación de Sidreríes de la Cai de La Gascona y Rubén Rosón, Conceyal d’Economía y Turismu del Ayuntamientu d’Uviéu.
Como cita obligao nel de mayu uvieín, tendrá llugar la decimonovena edición d’esti concursu. El pregón d’apertura de la Preba tará a cargu d’Hortensia, del canal Playpresta. Lo mesmo que n’otres ediciones, el públicu asistente, previa alquisición d’una fueya de votación por namás cinco euros, pue prebar el productu de los llagares que sirven la so sidre en Gascona y votar na categoría popular. Como ye tradición obsequiaráse-yos col pañuelu verde distintivu, un llápice y un vasu sidre.
