Cellebraráse dientru la programación del prósimu VII Salón Internacional de les Sidres de Gala y tará presidíu pola periodista graduada en Periodismu Gastronómicu y Nutricional, Estíbaliz Urquiola.
LA SIDRA.- La propia dinámica del Salón Internacional de les Sidres de Gala (SISGA)lleva a dir a más, complementándolu añu tres añu, y comu quiera que n’anteriores ediciones del SISGA deteutóse un interés xorreciente por parte de medios de comunicación especializaos en conocer con más fondura’l mundiu la sidre y la gastronomía xuncía a ella, esti añu la Fundación Asturies XXI y la revista LA SIDRA, convoquen per primer vegada esti I Alcuentru de Periodistes y Blogguers especializaos, atalantando que son los profesionales del espardimientu d’información y tendencies, lo que resulta prioritario pa los oxetivos del SISGA.
L’Alcuentru, que tará presidíu por Estíbaliz Urquiola, periodista graduada como Espertu en Periodismu Gastronómicu y Nutricional, y periodista de LA SIDRA, tendrá un costu de 50 €, y el programa ye’l que vien darréu:
Sábadu 30 setiembre.
- 11:30 h. Acoyimientu de participantes y entrega documentación
- 2:00 h. Asistencia llibre a la Xornada de Tastia Abierta
- 15:30 h. Visita y tastia guiada con entrevistes presonales colos productores
- 17:30 h. Asistencia llibre a la Xornada de Tastia Abierta
- 21:00 h. Espicha d’hermandá col conxuntu participantes nel VII SISGA
Domingu 1 d’ochobre
- 10:30 Participación na xornada de Sumilleres
- 13:00 Mesa reonda sobro espardimientu y promoción de la sidre nel panorama gastronómicu d’anguañu.
- 14:00 Ellaboración de documentu consensuáu.
- 14:30 Entrega diplomes.
Arriendes d’ello, los participantes nesti I Alcuentru de Periodistes y Bloggers especializaos tendrán la posibilidá de participar na Cena Gala del Vienres 29 setiembre a un preciu reducíu (70 € en cuentes de los 85 €) teniendo de rializar el pagu la iscrición enantes del 22 de setiembre.
Más información ya iscriciones:
T. 00 34 652 594 983
e-mail: administracion@lasidra.as
