Esti chigre xixonés del barriu L’Arena, que fizo’l pasáu 1 d’abril el so segundu añu, destaca pol tratu al veceru; la so pasión y ciñu pola cocina; y la conocencia y curiáu de la sidre.
LA SIDRA.- La Fueya de Tomás ta de norabona. Esti chigre, asitiáu nel barriu xixonés de L’Arena, cumplió’l pasáu 1 d’abril el so segundu aniversariu, ensin allardes nin cellebraciones, colos veceros que ca domingu enllenen el so llocal pa esfrutar de la so gastronomía, picar daqué o tomar una botellina sidre. Dos años nos que Tomás Borge supo tresmitir a los sos veceros el so bon facer y la so pasión pola hostelería, a la que lleva vinculáu más de trés décades, yá que “lo importante ye’l veceru y equí tratamos igual a tol mundiu, porque toos sumen y hai que tratar de que s’afayen y quieran tornar”.
En cuantes a la carta, ca veceru tien les sos preferencies, unos decántense poles caces de gochu, otros polo so esquisitu fégadu encebolláu, pero si por daqué destaca esti chigre xixonés ye pol so amor a la cocina. “Préstamos concinar con mimu y con ciñu y nun mos import si ye una fabada, un pexe o unos callos”, apunta Borge, pal que los platos de cuyar acupen un papel protagonista nel díi ente díi, pudiendo degustar tantu pote como pulpín con patatines. La ufierta gastronómica complétase con una gran variedá de pexe, acuridiadamente espuestso, y el mariscu de la so cetária. A esto hai d’amestar los sos riquísimos postres caseros como la tarta quesu , l’arroz con llechi o’l suflé de fresa.
