Austria ye un país de sidres mui presonales. Toos conocemos la so llarga tradición cola perea, pero nel mundiu la mazana tamién tienen qué dicir. Y más pol vezu que los países alpinos tienen nel usu de les herbes arumoses. La sidre que trayemos equí, Alpsider, ye un perbon exemplu d’una sidre de mazana alpina con añidíu d’una afamada herba, l’artemisa, l’absenta.
LA SIDRA.- Hai dellos meses que faláremos del llicor Cristallier, una compuesta italiana de magar la sidre natural, pero ellaborao al mou y manera del vermú. Entóncenes visitáremos la destilería ya’l llagar nos que se fai esa perinteresante y anovadora bébora, con un amestao d’herbes arumoses ya melicinales, de les que la más importante ye l’artemisa (artemisia absenta), la bas del vermú.
Nésti númberu damos otru pasu más dientro d’esi mundiu de les bébores de sidre con arumes herbales y trayemos una sidre que, dende la idea de nueso, pue paecenos rara asgaya, pero que cuando la tastiemos yá nun mos lo va paecer tanto. Ye Alpsider, una sidre austriaco fecho con dalgunos d’esos arumes de los que falábemos, de les afamaes herbes melicinales alpines.
