Susanna Forbes, periodista inglesa, y tamién llagarera, llucha pola recuperanza del consumu de sidre y pa que la xente “siéntase arguyosa d’ella y la tea na so mesa”.
LA SIDRA.- La especialidá de la periodista inglesa Susanna Forbes son les bébores, y dientru d’esti mundiu, nos postreros años especializóse na sidre. Editora alxunta de cerveces y sidra de la revista Imbibe, anguañu atópase escribiendo un llibru sobro cultura sidrera y los sos productos. Por esa xida llegó a Asturies, pa conocer a fondo tolo qu’arrodia a esta bébora, una de les exes principales na que se desendolca la vida los asturianos.
La frase completa qu’apaez parcialmente recoyía nel entítulu d’esti artículu ye: “Venir equí ye atalantar por qué Asturies ispiró a xente en tol mundiu”
