El certame rializóse dientru les actividas de la Primer sidre L’Añu que preslló ayeri la so novena edición con una asistencia de 9.500 presones demientres los cuatro díis.
LA SIDRA.- Ventie llagareros presentáornse na VII edición de la Sidre Casero fecho en Maera que se fai tolos años dientru les actividaes que se lleven a cabu dientru la Primer Sidre L’Añu. Esti añu el mierense Luis Álvarez alxóse col primer puestu. Anteriormente yá participare nel concursu quedando en tercer llugar l’añu pasáu y en 2016 foi tamién el venceor. Esti 2018 tornó a ser la so edición ya impúnxose a la otra sidre presentao. En segundu llugar quedó Josemer Oviñana d’uviéu, seguíu por Ángel Marcos de Pumarín, Xixón. El cuartu y quintu puestu fueron pa José Luis Fdez Buelga, de Llaviana, pero con llager en Pinzales -Xixón- y Ricardo García, de Deva, Xixón; respeutivamente. El primer puestu recibió de premiu una pipa maera de 150 llitros. El segundu un xuegu de densímetros y termómetru, el terceru 500 corchos de primer calidá. Del primeru al quintu llugar recibieron diploma areitativu. El ganor formará parte del xuráu de tastia l’añu que vien.
El xuráu tuvo compuestu pol tastiaor Xuaquín Fernández, : perdo Baldó, llagareru de sidre El Duque, Manuel Gutiérrez busto -presidente del xuráu y tamién collaboraor de la revista LA SIDRA-; la tastiaora Rosa María Valdés delllagar L’Allume. L’echáu de sidre corrió a cargu de Jorge Neagu, de La Montera Picona de Ramón, ganaor na categoría llocal del Campionatu Oficial d’Echaores d’Asturies nel certame de Xixón que se rializó en 2017.
El concursu escomenzó a la una la tardi. Primero fíxose una ronda de preseleición na que s’escoyeron les cinco sidres que pasaron a la final. Dempués d’una pausa, el xuráu tornó a prebar la sidre seleicionao. Dos empates marcaron la final: pa escoyer el tercer y el cuartu puestu; y tamién pa escoyer el primeru y el segundu. A la fin, Luis álvarez fo’l venceor.
Ello asina, por sétimu añu consecutivo féxose esti certame únicu na so especialidá, orientáu a llagareros non profesionales qu’empleguen el sistema tradicional d’ellaboración de sidre en pipa de maera col oxetivu de dar puxu al usu d’esti material pa la so produición, que va cayendo pasu ente pasu en desusu pola xeneralización de los depósitos de fibra de vidru y d’acieru inosidable. Amás ye de los pocos esistentes que tien ámbetu asturianu darréu que los más de los que se cellebren, tan llendaos al conceyu nel que se convoquen.
Güei tamién fo’l díi en que se rializó una collaboración con ‘30 díis en bici’. Dicha asociación fexo un percorríu pela ciudá que finó nel Muséu del Pueblu d’Asturies. Los sos miembros pudieron entrar gratuitamente a la PSLA, y pa xunise a la so reivindicación, la Fundación Asturies XXI permitió que toles demás presones que llevaren la so bicicleta pudieren aceder igualmente gratis al Muséu del Pueblu d’Asturies. Asina finó la IX edición de la PSLA, qu’esti añu pesia’l tiempu, algamó una bona asistencia yá qu’esfrutaron d’esta cellebración alredior de 9.500 presones.
(la semeya del xuráu ta nel orde descritu nel segundu párrafu)
