Destacada participación del llagar sareganu y de LA SIDRA nel Rigtig Cider cellebráu esta pasada fin de selmana en Copenhague.
LA SIDRA.- La sidre del llagar Riestra, tanto la brut, como la semiseca y la natural, destacaren sobromanera nel festival sidreru referencial de la escandinavia, onde tamién participó LA SIDRA, llevando la información de la convocatoria del VII Salón Internacional de les Sidres de Gala (SISGA) que se cellebrará del 29 de setiembre al 1 d’ochobre en Xixón.
Una esperiencia perinteresante na qu’hebio oportunidá non solo de la rialización de les rellaciones comerciales -por parte del llagar asturianu- propies del eventu, sinon tamién pa presentar la sidre asturiano a un públicu que les más de les vegaes cuésta-yos atopar Asturies nel mapa, y por supuestu pa conocer cuala ye la rialidá sidrera nesos países con cuyos llagareros ya importadores LA SIDRA caltién una perbona rellación, frutu de la cuala ye la so presencia nel SISGA y la invitación recibía pa participar nesti Rigtig Cider.
Pel so llau, Sidra Riestra cunta con una perbona distribuición en Dinamarca y ye normal topar la so sidre non solo en tiendes especializaes sinon tamién en restoranes, pubs y grandes superficies.
