Nava va tar presente na nueva edición de la Feria Internacional de Turismu que se va desendolcar en Madrid del 17 al 21 de xineru.
LA SIDRA.- El pabellón Ifema va acoyer dende güei la feria de turismu FITUR, na que nun va faltar la representación d’Asturies destacando’l so paisaxe, natura, gastronomía, cultura, arte, ociu y, por supuestu, la sidre.
Nava forma parte de la Contorna de la Sidre xunto con otros cinco conceyos, Bimenes, Cabranes, Colunga, Sariegu y Villaviciosa, cuyu denominador común ye la ellaboración de sidre, la bébora más popular d’Asturies.
La propuesta cola que’l conceyu va viaxar a FITUR va tar sofitada por un vidiu promocional nel que, a vista de dron, recuéyense imaxes espectaculares como reclamu pa toos aquellos que quieran visitar la zona centro oriental asturiana.
La nuesa bébora va ser la gran protagonista, amosando’l Festival de la Sidre, que se cellebra en xunetu y ta catalogáu como Fiesta d’Interés Turísticu Nacional, o’l Muséu de la Sidre, que recrea ambientes rellacionaos col mundiu sidreru como los llagares, los chigres y les fiestes tradicionales.
El Fielatu va retresmitir en direutu la presentación de Nava nel certame turísticu al traviés de la so cuenta de Facebook y la so canal de Youtube, onde podrán vese los vidios promocionales de los estremaos conceyos asturianos.
https://www.facebook.com/fielatoynora/
