Ayeri a les 20:30 presentóse la “Pata Negra” de Sidre Peñón na popular sidrería de Montevil.
LA SIDRA.- Sidre Peñón, tou un referente na hestoria de la sidre asturiano dende 1910, foi ayeri la protagonista na Sidrería Los Lagos cola presentación de la so Sidre d’Escoyeta.
La sidrería Los Llagos, asitiada na cai Ramón Areces, nel nuevu barriu xixonés de Montevil, empicipió la so andadura fai tan solo cuatro meses. Y demientres esti tiempu, la so vecería nun paró de xorrecer.
Julio Ferrero, encargáu de la sidrería, desplícamos que’l so secretu recai na so cocina tradicional, basada en productos asturianos de calidá, siendo los sos platos estrella los cachopos, les zamburiñes y los chipirones afogaos.
Y, por supuestu, los sos bonos palos de sidre. Trabanco y Peñón son les sidres ufiertaes nesti llocal, siendo Peñón la más demandada.
Por esta razón decidieron rematar les fiestes navidiegues con una tastia abierta pa presentar Peñón d’Escoyeta, una sidre con calter que nun dexa indiferente.
Sergio Vecillas, xerente del establecimientu, va años que cunta con esti palu pola so calidá y acetación ente los veceros. Y agora decidió amestar a la so ufierta la sidre Peñón d’Escoyeta, un apueste seguru dientro del ampliu espectru del mundiu de la sidre.
