El Concursu, d’ámbetu asturianu, lleva esti nome n’honor al enólogu fallecíu Mundo Collada, presonaxe referencia na defensa y espardimientu de la sidre y la so cultura.
LA SIDRA.- Esti añu participarán representantes d’una trentena de conceyos y cellébrase per primer vegada dientru la programación del Festival de la Mazana de Villaviciosa.
Por ca conceyu participante preséntense los trés primeros clasificaos nos concursos rializaos previamente nos respeutivos conceyos, la semifinal tendrá llugar el prósimu miércoles 11 d’ochobre na Plaza d’Abastos y d’ellí esbillaránse les doce sidres que disputarán la final el domingu 15, na Plaza’l Güevu, onde los asistentes podrán prebar les estremaes sidres presentaes a concursu.
Les iscriciones podrán facese na Sidrería La Ballera de Villaviciosa, o nos teléfonos 985 890 009 y 607592 761
Esti añu, el primer premiu consistirá nun control analíticu de sidre demientres un añu; el segundu recibirá 25 pumares de dos años, de variedá autóctona, y el terceru, 2.500 corchos.
