Ana Buergo presentó una comunicación sobro empreses ellaboraores demientres el Seminariu sobro Padrimoniu Arquiteutónicu ya Industrial en Madrid, la investigaora quinxo agradecer n’especial a los propietarios de llagares y pumaraes, familiares y vecinos, la so valiosa collaboración pal estudiu.
LA SIDRA.- Les fábriques de sidre nel paisaxe asturianu. Esti fo l’entítulu d’una ponencia rializada pola investigaora Ana Buergo demientres el Seminariu Internacional sobro Padremuñu Arquiteutónicu ya Industrial que se cellebró esti añu en Madrid. Buergo alcuéntrase faciendo’l so doctoráu – baxo la direición del caderalgu Felipe Fernández- nel Departamientu Xeografía ya Hestoria na Universidá d’Uviéu. El so tema de tesis son los paisaxes asociaos a la produición de sidre n’Asturies.
Ana Buergo escomenzó la so esposición desplicando que foi nel añu 2013 cuandu la cultura sidrera asturiana foi declarao Bien d’Interés Cultural de calter inmaterial pol gobiernu asturianu. “El documentu oficial cientrábase nes práutiques sociales, los rituales y los eventos festivos, pero tamién tenía en consideranza los conocimientos, les téuniques, les istalaciones y los paisaxes culturales venceyaos a la sidre” rellató y darréu siñaló qu’ente les postreres décades del sieglu XIX y les primeres del XX “munchos llagares tradicionales ampliaron y modernizaron les so istalaciones, al empar que poníen en marcha nueves fábriques de sidre n’estremaos emplazamientos: urbanos, periurbanos y rurales”.
