Sidre y perea suelen estremase en dos tribes: Nuevu Mundiu o Tradicional.
LA SIDRA.- Pesia que les mazanes de sidre son rellativamente rares n’Australia, ca vez más productores llocales tán introduciéndoles nes sos pumaraes. Pero los productores de sidre creativos del país tamién trabayen con mazanes de mesa como Granny Smith, Pink Lady y Royal Gala, ellaborando sidres que son chispeantes y enfrescantes, afeches al so clima.
“Nuevu Mundiu” fai referencia al estilu, non a un llugar, como les sidres ellaboraes n’Inglaterra, Estaos Xuníos, Canadá, Alemaña, etcétera.
La sidre y la perea del “nuevu mundiu” ellabórense principalmente con fruta de mesa. Comparao con otros estilos estándar, estos son xeneralmente más baxos en taninos y más altos n’agrín.
“Tradicional”, que toma les sidres tradicionales d’Inglaterra y Francia, pue incluyir estilos alemán y asturianu, anque estos siguen siendo escasos n’Australia.
Polo xeneral, les sidres tradicionales van amosar dellos taninos derivaos de les mazanes que s’utilicen. Les mazanes específiques de sidre como les agriduces o amargoses contribúin a ello, anque puen utilizase otres races.
La perea tradicional fecha n’Europa ye de peres cultivaes específicamente pa esi propósitu, más que para xintar o cocinar. Disponen de bien poques peres “perry” n’Australia, pero varios productores utilicen peres de mesa para facer perea que, ye nidio, ispírase nel tradicional “perry”.
