Los xerentes de la sidrería xixonesa La Serena, Nacho Díaz y Rosi Fadrique, tan yá más que preparaos pa cellebrar colos sos veceros les fiestes navidiegues.
LA SIDRA.- Trunfaren col menú de Nuechibona y yá tan tresnando’l de la nuechi más especial del añu, Nuechivieya. Una planificación que-yos permitió curialo too al detalle.
El menú tresnáu pa la postrer cena d’esti añu que fina, la cena de Nuechivieya, costa de pastel de tiñosu o salpicón de mariscu pa escomenzar, sopa mariscu o llagostinos al fornu como primer platu y, pa finar, una xugosa y tienra paliella al fornu o una esquisita dorada a la sidre fadrán les delicies d elos qu’escueyan el menú d’esti chigre de Xixón. EL postre nesti casu ye un dulce flan de turrón. El menú sírvese namás pa llevar y ye d’encamentar encargalo con antemanamientu. El preciu ye de 27 euros por presona, una cifra afayaíza teniendo en cuenta les feches y la calidá del menú. Una opción perfecha pa esfrutar en casa de la meyor gastronomía ensin facer dengún esfuerciu.
SIDRERÍA LA SERENA. Aquilino Hurlé 21- Xixón
