La conferencia mensual d’Ástura correrá a cargu del presidente de la Fundación Asturies XXI, Marcos A. Fernández y amás de falar sobro la sidre asturiano tamién tratará de les sidres del mundiu y una tastia d’una esbilla d’elles.
LA SIDRA.- La conferencia cellebraráse’l prósimu martes 19 a les 19:39 nel Atenéu Obreru de Xixón (Cuadonga 7) baxo l’entítulu “¿Sidre asturiano o sidre d’Asturies? y ente les custiones a plantegar tarán:¿Ye lo mesmo sidre asturiano que sidre d’Asturies? ¿La sidre que se fai n’Asturies ye sidre asturiano o namás lo que ta fecho con mazana asturiano? ¿Val con cualaquier mazana o namás con aquelles reconocíes pol Conseyu Regulaor de la Denominación d’Orixe Protexío «Sidre d’Asturies»? ¿La sidre casero ye sidre asturiano? ¿Y la sidre axampanao?
Interrogantes que s’abren nesti campu, y que xeneren enforma controversia, y a los que tratará de dase rempuesta nesta conferencia, dende la perspeutiva de que corremos el pelligru de perder un padremuñu material inmensu si nun somos a afitar esos términos correchamente, o lo que ye pior, permitimos qu’otros los remanen en beneficiu propiu.
Per otru llau, fadráse una piqueña introdución a les «sidres del mundiu» –en función del métodu d’ellaboración y l’aniciu xeográficu de les mesmes–, continuación obligada d’esa mesma reflexón, como tendrá oportunidá de vese nel trescursu de la conferencia, y ufiertará la posibilidá de facese una idega aprosimao de lo que son les carauterístiques y la situación de les sidres nel mundiu, especialmente n’Europa.
Finaremos cola tastia d’una esbilla de sidres internacional.
La intervención correrá a cargu deMarcos A. Fernández editor de la revista “LA SIDRA”, presidente de la fundación Asturies XXI , entamaora de los eventos “Primer Sidre l’Añu” y del “Salón Internacional de les Sidres de Gala”, va falar a fondu sobre la sidre y toles cuestiones pendientes sobre ello. finaráse la conferencia con una tastia de sidres internacionales y la so comparanza.
