Les nueves 54 races de mazana DOP presentaránse nel Festival de la Mazana de Villaviciosa.
LA SIDRA.- Del 12 al 15 d’esti mes cellebraráse’l XXXI Festival de la Mazana de Villaviciosa, nel que se presentarán les 54 nueves races que’l CRDOP Sidre d’Asturies incorpora, y tendrá llugar la primer tastia conxunta de Sidre DOP y Sidre d’Escoyeta, agora integrada na primera.
La tastia en custión tendrá llugar el xueves 12 d’ochobre a les 19:3o hoes na carpa d’alcuentros. Pel so llau la esposición de les nueves races de mazana acoyíes a la DOP podrá visitase na Casa Los Hevia n’horariu de 10:00 a a 14:OO y de 16:00 a 19:30 demientres los díis que dura’l festival.
Asina mesmo, el vienres 13 cellebraráse una xornada téunica nel Teatru Riera pa presentar les nueves races de mazana a cargu del Serida, entidá que tamién impartirá un taller d’analís sensorial esa mesma tardi, na carpa d’alcuentros.
