Si hai una sidre sosprendente ente toles que se presentaron esti añu nel 14º Salón Internacional de les Sidres de Gala (SISGA) ye ésta, SK 4:20, nacía de la xunión de la sidre y el cannabis, perafayaíza pa esfrutar relaxadamente
LA SIDRA.- SK 4:20 surde d’una collaboración entre Kuartango, llagar d’Araba que destaca pola variedá y calidá de los sos productos sidreros, y The Pot Hub, empresa asturiana dedicada a impulsar el emprendimientu dientru’l sector del cáñamu, nel que tienen dellos proyeutos, como una distribuidora de productos derivaos del cáñamu The Pot, una comunidá con más de 300 emprendeores cannábicos The Pot Hub, un podcast enfocáu a educar, inspirar y afalar a entamar nel sector, The Pot Cast, y, a lo último, un proyeutu de promoción de marques del sector al traviés de viaxes con una furgoneta Camper The Pot Van.
Pa la ellaboración de SK 4:20 partir d’una base de sidre natural del llagar de Kuartango infusionada con una variedá concreta de cannabis que tien unos puntos d’arume y saborgu asemeyaos a los de la mazana, polo qu’a pesar de tener un reconocible golor y saborgu a cannabis, esti preséntase conxugáu col saborgu a la sidre natural, respetando perbién dambos sabores. De xacíu, tou nella ye natural, ensin amiestos artificiales.
Pa recibir el PDF de la revista LA SIDRA fai falta tar dáu/da d’alta nel whatsapp de LA SIDRA
