Los celiacos asturianos entamen la primer espicha ensin gluten pal prósimu 15 payares en Xixón
LA SIDRA.- Eugenia Téllez y Davinia Montes son les entamaores d’esta cita sidrera que va siguir el formatu tradicional asturianu, pero afechu a les necesidaes de los celiacos.
El menú, que va cuntar tamién con sidre del duernu va incluyir tabla d’embutíos asturianos, tortinos de quesu y cebolla confitada, pastel de tiñosu, chorizu a la sidra, Afuega’l Pitu colloráu, chipirón a la chapa, costielles a la parrilla con pataques, y tarta quesu.
El preciu del eventu va ser de 33 euros, anque entá nun ta confirmao’l llugar onde se va desendolcar.
Esta iniciativa busca promover una mayor ufierta ensin gluten nel nuesu país, permitiendo qu’esta malura nun torgue participar n’eventos tan tradicionales asturianos como son les espiches.
Pa participar hai que ponese en contactu coles sos impulsores: Eugenia Téllez (@asturceliaca) y Davinia Montes (@singlutenenlaboca)
