El domingu 4 d’agostu cellébrase la que quiciabes seya la fiesta más sidrera del país, qu’espera superar los 45.000 participantes
LA SIDRA.- Un eventu que va movilizar alrodiu 50.000 persones, y nel que la sidre ye un ellementu fundamental, rique toa una planificación pa xestionar la seguranza del mesmu, asina como la llimpieza del prau y la xestión de borrafes, no que la Confradería del Xiringüelu invierte más de 55.000 euros.
ZONA DE PEÑES Y XIRINZONE
La Confrería del Xiringüelu caltien, una edición más, la división ente la zona más tradicional onde s’asitien les casetes de les peñes, y la XirinZone con música amplificada demientres tol díi.
El domingu 4 d’agostu los accesos al prau Salcéu van abrir al públicu a partir de les 09:30 hores y la fiesta, en dambes zones, va rematar a les 22:00 hores, momentu nel que va rematar la música en vivu.
La zona de Peñes ye d’accesu llibre y gratuitu pa toa persona que quiera allegar, perteneza o non a una peña. va disponer de servicios de seguranza, médicos, hosteleros, baños químicos, zones de refrescu, contenedores de basoria y reciclaxe, serviciu de recoyida de vidriu y l’animación de les charangues. Nun ta permitía la música amplificada nes casetes, col fin d’evitar molesties a les peñes vecines.
Amás, l’asentamientu nos pasiellos y zones de tránsitu queda tprohibío dafechu.
La XirinZone va cuntar con servicios de seguridá, médicos, hosteleros, baños químicos, zones de refrescu, contenedores de basoria y reciclaxe, serviciu de recoyida de vidriu y música amplificada (Dj’s) demientres tola xornada.
Como novedá esti añu, les sesiones de los ‘diyeis’ van alternar colos acordes de la orquesta Cuarta Calle. P’aportar a la XirinZone tendrá de mercase la entrada correspondiente (más información en www.xiringuelu.es) que tendrá de ser validada pa llograr la pulsera que va dar accesu al recintu. La validación de les entraes puede faese’l mesmu día del Xiringüelu (va haber puntos de validación correchamente señalizaos na baxada al prau Salcéu a partir de les 09:30 de la mañana), pero dende la organización aconséyase que tol que pueda lo faiga’l díi enantes, sábadu 3 d’agostu, nos puntos habilitaos pa ello, col fin d’evitar coles innecesaries:
PRAVIA
Ayuntamientu Pravia De 15:00 a 21:00 hores.
UVIÉU
Palaciu de Congresos y Exposición Ciudá d’Uviéu.
De 10:00 a 20:00 hores (ininterrumpidamente).
Pa recibir el PDF de la revista fai falta tar dáu/da d’alta nel whatsapp de LA SIDRA. ¡GRATIS!
