Tendrá llugar el llunes viniente 8 de xunetu, cola participación de Guzmán Pendás, conceyal de Participación y Atención a la Ciudadanía del Ayuntamientu Xixón
LA SIDRA.- L’Antigua Escuela Comerciu sedrá l’escenariu d’esti actu, nel qu’Espublizastur SL –la empresa editora de la revista LA SIDRA- rializará una donación d’un exemplar de caúna de les 243 ediciones de dicha revista (que lleva espublizándose mensualmente dende va 20 años), asina como d’estremaos libros editados fasta la fecha, a la Hemeroteca Municipal de Xixón, nun actu nel qu’intervendrá’l conceyal Guzmán Pendás, de la Conceyalía de Participación y Atención a la Ciudadanía, Mercaos, Consumu y Coperación del Ayuntamientu Xixón.
Nel actu, que tendrá llugar a les 13 hores en dicha Antigua Escuela Comerciu, intervendrá tantu’l mencionáu conceyal, como Marcos Abel Fernández, fundador de dicha revista, tres lo cualo procederáse a un pinchéu con sidre DOP servía pol campión d’echaores d’Asturies Wilkin Aquiles, asina como pola campeona Alexandar Vanegas, dambos de la Sidrería La Montera Picona de Ramón.
Llunes 8 xunetu, 13 hores. Antigua Escuela Comerciu Xixón
Xúnete al nuesu canal de WhatsApp
