El nome “Nuggets de cabritu” pue xenerar de man confusión nel veceru que llea la carta de la Sidrería La Plaza, en Nava.
Nun mos dexemos engañar, ná que ver col subproductu del pitu al que dalgunes multinacionales mos tienen avezaos.
Los nuggets de cabritu son tou un descubrimientu, con un rebozáu rustidín -ensin rastru d’aceite-qu’escuende un saborgosísimu bocáu de cabritu guisao, tienro y xugoso, que práuticamente españa na boca al morder pa cuasi delíse na boca darréu.
Acompángalo con unes botelles de Sidra Orizón, bien echaes, nuna terraza na mesmísima y mui sidrera plaza de Nava -que da nome a la sidrería- añade un plus a esti platu, redondeando la propuesta.
D’encamentar dafechu.
(Visited 2.897.934 times)
