Na tarde d’ayeri, el Conseyu Regulador de la DOP Sidre d’Asturies cellebró l’II Salón DOP Sidre d’Asturies, de Sidres Naturales d’Espolleta.
LA SIDRA.- Nel eventu, que tuvo llugar nel estupendu marcu del Parador de Cangues d’Onís, participaron más de 150 asistentes, con una importante presencia de restauradores del oriente asturianu, ensin que, poques gracies, faltaren amantes d’esti productu esplumosu.
En dichu actu particparon los cinco marques acoyíes a la DOP Sidra de Asturies: EM; El Gaiteru (Etiqueta Negra; Valle, Ballina y Fernández; y Pomarina); Ramos del Valle, de Sidra Fran; Poma Áurea, de Trabanco; y Prau Monga, de Viuda de Angelón, qu’ufiertaron una degustación de los sos productos a los asistentes, too ello acompangao d’un estupendu pinchéu de ‘Alimentos del Paraísu’ qu’aidaron a completar una xornada perfecha.
Ente los asistentes foi opinión xeneralizada l’interés en descentralizar esta triba eventos, y lo acertao de que fuera esti conceyu del oriente asturianu l’escoyíu, dao la importancia turística que tien y los altos niveles de restauración qu’ufierta.
Como ye obviu, l’oxetivu d’esta xornada foi siguir cola promoción d’esti productu gourmet, ellaboráu con mazana 100% asturiana y con baxa gradación alcólica.
