El venti d’abril, pente les doce de la mañana y les dos y media de la tarde, el parque Dolores Fernández Duro, de La Felguera, cellebrará la so Xornada añal dedicada a la sidra natural, na que cuenten cola participación de diez llagares, ún más de los que participaron nel eventu na anterior edición, al participar Sidra Canal y Sidra Foncueva, que nun tuvieron l’añu pasáu, pero dase de baxa Sidra Zapatero, que sí participare na edición anterior.
una hora enantes entamará’l LXXV Concursu d’Echadores, puntuable pal Campionatu Oficial d’Echadorres d’Asturies
LA SIDRA.- La cita pa la degustación ye’l sábadu 22 d’abril de 12 a 14:30 hores, o fasta acabar coles esistencies, comu alvierten nel cartelu.
L’ allugamientu, el mesmu de tolos años, ello ye, nel Parque Fernández Duro, onde la Sociedá de Festeyos y Cultura ‘San Pedro’ de La Felguera pondrá a disposición de los amantes de la sidre el productu de diez llagares.
Los participantes esti añu sedrán Sidra Alonso (Llangréu), Canal (Xixón)l, Castañón (Quintueles), Cortina (Villaviciosa), Contrueces (Xixón), Foncueva (Sariegu), Frutos (Quintueles), Piñera (Xixón), Trabanco (Xixón) y Viuda de Angelón (Nava), dando la oportunidá de prebar la sidre d’estremaos conceyos d’Asturies.
En total sedrá un llagar más que los participantes de la edición anterior de la Xornada de la Sidre Natural, ya que s’incorporen al eventu dos llagares nuevos, Canal y Foncueva, pero marcha otru qu’esti añu nun ufrirá la so sidre, Zapatero (Nava).
Anantes de la degustación, a les once de la mañana, tendrá llugar el Concursu d’Escanciadores, la segunda preba puntuable del Campionatu Oficial d’Echaores d’esti añu y que ye un de los más antiguos que se cellebre, diendo ya pola so 75 edición. Nel mesmu repartiránse 560 euros y diez trofeos en premios pente los diez primeros clasificaos.
Como ca añu, pa entrar a la degustación y prebbar la sidre de los diez llagares presentes podrá comprase un vasu mui especial, que formará parte de la coleición de vasos de la Sociedá de Festexos de San Pedro, faciendo el númberu 26.
Nesta edición el vasu commemorativu ta dedicáu a un emblemáticu edificiu de La Felguera datáu del sieglu XIX, que les sos fachaes dan a les cais Pedro Duro y Julián Duro y fore l’antigua sede del Atenéu Obreru, utilizáu como cárcele demientres la guerra civil y más alantre como colexu. Actualmente l’edificiu, que tamién valió como viviendes, ta preslláu.
Esti añu, neto que l’anterior, el diseñu del cartelu qu’anuncia l’eventu ye nuevamente d’Armando Velasco Monreal (Mandy Velasco), miembru de la Sociedá de Festeyos y Cultura San Pedro, que tamién fexo les llabores d’investigación sobre l’edificiu representáu nel vasu.conmemorativu d’esta edición.
