Sidrastur rializa una esposición d’etiquetes de sidra del 12 al 24 de abril.
LA SIDRA.- L’asociación de colleicionismu sidreru ‘Sidrastur’, de reconocíu dinamismu y de sonadía pola entrega de les distinciones a la ‘etiqueta más guapina’, entama demientres la mui sidrera ‘Folixa na primavera’ mierense, una esposición d’etiquetes de sidre, na Casa Cultura Teodoro Cuesta, del 12 al 24 d’abril.
El colleicionismu sidreru ye una actividá que vien de lloñe, y que garró especial puxu cola polémica llexislación qu’obligó a etiquetar la botella de sidre –fasta entós tola información diba en corchu-.
L’asociación de colleicionismu sidreru, Sidrastur, tuvo’l so aniciu alrodiu del 2000 y ta costituyíu por 40 asociaos, cuntando con abondes solicitúes pa ingresar nel mesmu, si bien tienen parcialmente llimitada l’acoyía de nuevos miembros en función de les posibilidaes d’algamar de los llagares etiquetes pa toos ellos.
