Va tener llugar el prósimu sábadu 9 d’avientu, dientru la programación de ‘Seronda nel Botánicu’
LA SIDRA.- El Xardín Atlánticu de Xixón va ser l’escenariu d’esti interesante taller, que s’enarta dientru les actividaes de ‘Seronda nel Botánicu’, que va ser impartíu pol reconocíu enólogu José Antonio Norniella, y que cunta cola collaboración de la DOP Sidre de Asturies.
El taller va realizase nes instalaciones de dichu Xardín Botánicu en horariu de 12:00 a 14:00 hores, pa mayores de 18 años, con un preciu de 10 euros, y un total de 30 places.
Les sidres de xelu escomenzaron ellaborase fai apenes dos décades, en Quebec. N’Asturies, onde la mazana forma parte intrínseco de la nuesa cultura, tamién se producen sidres de xelu que son bien apreciaes polos espertos. A esta nueva forma de producir una bébora de magar la mazana amestóse más apocayá la sidra de fueu, de la que tamién se falará nesti taller. Estes bébores, xunta la más popular sidre d’espolleta, tán bien presentes demientres les cellebraciones nadaliegues.
L’enólogu José Antonio Norniella va falar de la so ellaboración, cuntando dellos secretos y desplicando como apreciar estes bébores mentes les degustamos.
