Félix Melchor Blanco (Pen –Amieva–, 1948), profesor xubiláu, foi escoyíu pumareru del añu nel salón Sidre d’Asturies pola pumarada, de más d’una hectaria, que tien en La Manxoya (Uviéu) y na que cunta con cinco races de mazana DOP
Félix Melchor Blanco ye’l claru exemplu de la situación que traviesa’l sector de la mazana n’Asturies. A los sos 75 años, esti profesor xubiláu, que nun cunta con un relevu xeneracional pala so pumarada en La Manxoya (Uviéu), reconoz que dedicase puramente a la producción de mazana nun ye rentable.
¿Qué supon ser reconocíu pola DOP?
Ye bien prestosu que me reconozan esti llabor a la que dediqué nel mio tiempu llibre y que me compensara d’esta forma. Yo trabayaba na enseñanza y empecé en serio col llantíu de pumares en 2002.
¿Cómo ve, anguañu, la situación de la mazana de sidre?
Véolo con esmolición. Hai bones pumaraes, pero, como nel mio casu, nun hai relevu xeneracional. Tal como ta la cosa nun resulten rentables porque lleven enforma trabayu y el marxe de beneficiu ye bien escasu pol preciu de vienta de la mazana..
