Les cebolles rellenes son tou un exemplu que lo que ye faer de la necesidá, virtú, y de la virtú llegar a la escelencia.
Del so aniciu en L’Entregu a xeneralizase per too Samartín, y d’ende en toa Asturies, como ún de los nuesos platos emblemáticos,.. y d’ahí a los meyores fogones del mundiu.
Atrevémosmos a proponete 11 sidreríes onde esfrutar de les meyores cebolles rellenes
Les escelentes cebolles rellenes de Casa Adela
Les Escueles, s/n, Lada. Llangréu
En casa Adela ties una cita ineludible esta seronda. Les sos cebolles rellenes ellaboraes con productos de kilómetru cero y cebolles de temporada, bonitu, tomate natural, güevu cocíu y pimientu. De siguío, rebózales y séllales, para cocinales a poco fueu. Vas poder esfrutales na so terraza o nos sos comedores, con chimenea pel hibiernu. Con 23 años d’esperiencia, Casa Adela ye conocida pol so compromisu colos productos asturianos y llocales, y Adela foi nomada Guisandera d’Asturies.
Acompaña esti platu con sidre de mesa Alicia, Trabanco o Poma Áurea, o con sidra natural y D.O. Arbesú y Fonciello.
Cebolles escepcionales y saborgos únicos en Fonte Villoria
Cai Melchor Gaspar de Xovellanos 2 Baxu, Llugones
La Sidrería Fonte Villoria, xestionada por Abraham, ye una ayalga culinaria n’Asturies. Les sos cebolles rellenes fixéronlu ganase una merecida fama. Pues esfrutar d’estes cebolles rellenes escepcionales nel so menú especial o a la carta, y optar por un rellenu de carne, bonitu, xabalín o picadiellu.
Na Sidrería Fonte Villoria, la sidre pue variar. Anguaño, ufierten una variedá d’opciones, incluyendo Fran, Frutos, Ramos del Valle, Val de Boides, Arbesú con Denominación d’Orixe Protexida y Valdedios. Ensin dulda, ye una esperiencia que nun vas querer perdete.
Cebolles rellenes y sabor tradicional en La Sindical
Cai Manuel González Vigil, 2, Samartín del Rei Aureliu
Una de les recetes más famoses de La sindical ye la de les cebolles rellenes, exemplu de la cocina de posguerra. La maxa d’esta receta anicia na cencellez de los sos ingredientes, que se tresformen n’una deliciosa obra maestra culinaria. En La Sindical empresten especial atención al procesu d’acovanáu de la cebolla, evitando que se ruempan y llogrando una proporción perfecta ente cebolla y rellenu.
Na so prestosa terraza o los sos atopadizos comedores, vas poder esfrutar d’esti platu y de la so amplia carta, acompañándolos de la sidre de Piñera y Trabanco.
Saborgu tradicional en Casa Xico
Mestas d’Ardisana, Llanes
En 1904, Francisco Concha (Xico) fundó un chigre-tienda y estancu que llueu se convertiría nun llugar onde onde los trabayadores de la zona podíen esfrutar de comíes delicioses y caseres. Angauñu, Julio y Arturo Pontigo, de la 4ª y 5ª xeneración de la familia, son quien xestionen esti llegáu.
El restorán pasó de xeneración en xeneración, y perfeccionó trés platos estrella: les verdieos, les cebolles rellenes y los tortos de maíz. Amás, nun puedes dexar de probar los sos escepcionales postres caseros, qu’inclúin tarta de quesu, de nuez, de la güela y arroz con lleche.
La sidre Fran ye’l perfectu complementu pa estos platos.
Cebolles rellenes pa paladares desixentes en Sidrería Boal
C/ Enrique Martínez, 4, Xixón
Les cebolles rellenes son una de les especialidaes de Sidrería Boal y, ensin dulda, merez la pena probales. El guisu de bonitu con una picada de güevu y pimientu, realzáu con un toque de lloréu, ufierta una combinación de saborgos escepcional. Sirvenles con pataques panadera y una decoración de pimientu de piquillo. Amás, nun tendríes de dexar de probar lws sos llámpares, les sos albóndigues de bacalláu o’l so cabritu guisáu, perfectos complementos pa unes magnífiques cebolles rellenes.
P’acompañar la esperiencia culinaria, pues escoyer ente Sidra Menéndez, Valdornón y Riestra.
Un toque gallegu en La Frontera
C/Dr. Fleming 12, Samartín del Rei Aureliu
La Frontera ye xuna sidrería famosa poles sos especialidaes gallegues. Si busques autenticidá y sabor nun ambiente atopadizo, este ye’l llugar ideal pa satisfaer el to mambís.
Nesta ocasión, La Frontera convídate a probar una de les sos xoyes culinaries: les cebolles rellenes. El rellenu, compuestu por bonitu, cebolleta y güevu picáu, combina nun guisu que va espertar tolos tos sentíos.
Y p’acompañales, nada meyor que la refrescante sidra Trabanco, yá que complementa a la perfección el saborgu de les cebolles rellenes.
Esplosión de saborgos en La Casuca de Tinín
L’Aldea Los Pasos, 4, Uviéu
La Casuca de Tinin fixo de los callos y les cebolles rellenes dos de los sos estandartes culinarios. Nos sos entamos, aventuróse con distintes variantes, incluyendo’l pollu y el bonitu, pero finalmente, la carne, específicamente’l cabecero de llombu, acompañáu de vinu blanco y verdures, destacóse como la elección perfecta pa un xugosu ya inigualable rellenu, faciéndose bien populares ente los sos veceros.
La esperiencia en La Casuca de Tinin nun taría completa ensin una sidre asturiano de calidá, y equí puedes optar pola Sidra Menéndez, Roza o Valdernón con Denominación d’Orixe.
Innovación culinaria en Sidrería El Riego
C/ Lluanco, 15, Xixón
N’El Riego, vas poder esfrutar de cebolles rellenes de bonito, carne guisao con sofritu o gambes con mueyu marineru o de pexe, pa cocinase a poco fueu.
Seique, les cebolles rellenes d’atún seyan la opción más clásica de la so carta, compartiendo espaciu con otres alternatives más innovadores, como les cebolles rellenes de gambes. Si busques esquizar nueves dimensiones de saborgu nun ambiente atopadizu y auténticu, nun dexes de visitar la Sidrería El Riego.
La sidre Viuda de Angelón ye un elementu esencial nesta esperiencia culinaria.
L’Arte de les Cebolles Rellenes en casa Colo
Cai de la Foína, Cecea. Nava
La singularidá d’estes cebolles anicia na elección meticulosa d’ingredientes y la técnica emplegada. En llugar d’utilizar un simple picáu, Casa Colo opta pola carne guisao, apurriendo un nivel cimeru de saborgu y calidá. Escueyen cebolles asturianes d’un tipu y tamañu específicos, acovanen l’interior pa dar cabida a la carne y sellen l’amiestu con fariña y güevu, creando asina una testura única.
P’acompañar esta esperiencia culinaria, Casa Colo ufierta Sidra Zapatero, una elección que complementa a la perfección la riqueza de saborgos de les cebolles rellenes y otros manxares del menú.
Receta casera nel Restorán Dr. Peña
Avda Galicia, 11, Uviéu
La maxa empieza cola selección cuidadosa de cebolles, que se rellenen con un guisu de bonitu, pimientos colloraos y verdes, ayu, puerru y tomate, tapónense con fariña de maíz y cocínense a poco fueu mientres aprosimao 4 hores.
La receta d’estes cebolles rellenes tien los sos raigaños na tradición casera de la madre del xef, y nel Restorán Dr. Peña, siguen fielmente cada pasu d’esta receta atemporal. Ca mordiscu ye un homenaxe a l’autenticidá y la dedicación a la cocina casera. Pues acompañales con sidre Zythos.
Un toque familiar en Llagar La Morena
Alto de Viella, s/n. Siero
Con orixe caseru, la receta d’estes cebolles conviérteles n’una verdadera obra maestra al trabayar curioso’l so rellenu de bonitu y un pistu, too ello cubiertu con una esquisitu mueyu de verdures. Ca mordiscu ye un viaxe al traviés del tiempu y les tradiciones asturianes.
Lo que fai entá más especial la esperiencia en Llagar La Morena ye la sidra, ellaborada de manera artesanal y con ciñu propiu. Equí, la ufierta inclúi Prau y Pedregal DOP y sidra La Morena, complementando a la perfección los sabores auténticos de les cebolles rellenes y otros manxares del menú.
