El Muséu de la Sidre d’Asturies desendocla les fines de selmana d’esti mes les xornaes “Tiempu de…”, cuyu oxetu primordial ye averar a los asturianos y visitantes los estremaos aspeutos culturales alredior de la sidre dende una perspeutiva específica, sensorial y guiada.
LA SIDRA.- Les primeres xornaes del ciclu tán dedicaes a la sidre’l duernu y realícense en collaboración col Clú Sierense Amigos de la Mazana.
SÁBADOS: 4, 11, 18 y 25 de payares a les 12.00 h (apta para toles edaes)
Entítulu: Tradición y sidre
Costa de dos partes: visita guiada específica y tastia final de sidres duces comerciales.
Permite conocer en fondura la cultura asturiana al traviés del amagüestu y la sidre dulce, centrada na tradición, etnografía, procesu d’ellaboración y consumu. Acompáñase con una amuesa de races de mazana y elementos materiales que participen na ellaboración de la sidre y cellebración del amagüestu.
Tastia de 2 marques comerciales de sidre dulce: Tierra Ástur y La Casuca de Pastories.
DOMINGOS: 5, 12, 19 y 26 de payares a les 12.00 h
Entítulu: Ellaboración y conservación
Taller ellaboración de sidre duce y degustación
El Clú Sierense Amigos de la Mazana van impartir un taller sobro la ellaboración de sidre dulce casero y como pasteurizala de manera artesanal pal so caltenimientu. De magar d’una sidre dulce d’un llagar llocal, córchase y “cocina” a distintes temperatures pa reparar nes diferencies de saborgu. Va tastiase la sidre’l duernu ellaborao nos talleres.
- Duración 60 min
- Preciu per día y persona: 5 € (+16 años), 4 € (16 – 5) y 2 € (- 5 años) El pagu realizar nel Muséu enantes de l’actividá.
- Aforu másimu 40 pax
- Inscripciones mínimes pa rializar l’actividá 20 pax
- Conseyu: llegar 10 o 15 min enantes del entamu.
- Nun ye preciso trayer material nin ropa específico.
