Na mañana d’esti vienres 22 de setiembre va tener llugar la presentación a los medios de comunicación del programa del XIII Salón Internacional de les Sidres de Gala -SISGA’23-
LA SIDRA.- Na rueda prensa convocada pal vienres 22 de setiembre a les 12:15 h. de la mañana na See de Turismu del Conceyu de Xixón –Casa Paquet- procederá a informase d’esti eventu, númberu de participantes, orixe, conteníos, Xornada de Tastia Abierta, Premios SISGA’23… incidiendo nos aspeutos más destacables de la programación, y bien especialmente na firma del Protocolu d’Adhesión a la Rede Europea de Ciudaes de la Sidre -RECS-, que se va desendolcar nel Salón de Recepciones del Conceyu de Xixón, siendo l’anfitriona del mesmu la Sra. Alcaldesa de Xixón, Dª Carmen Moriyón.
La mesa va tar costituyía por
- Dª Angela Pumariega, Vicealcaldesa
- D. Jorge Gonzalez Palacios, Conceyal de Rellaciones Intitucionales
- D. Marcos A. Fernández, Presidente Fundación Asturies XXI
- D. Manuel G. Busto, Presidente del Xuráu del Salón Internacional de les Sidres de Gala
- D. Juan Suárez Stové. Direutor del Muséu de la Sidre d’Asturies.
Hai de recordar que’l Salón Internacional de les Sidres de Gala va tener llugar del 28 de setiembre al 1 d’ochobre, procediéndose’l vienres 29 a la firma del Protocolu d’Adhesión a la Rede Europea de Ciudaes de la Sidra, y siendo’l sábadu 30 la Xornada de Tastia Abierta al Públicu, que se cellebrará nel Salón de Congresos de la Feria Internacional de Muestres d’Asturies n’horariu de 12 a 15 h y de 17 a 20 hores.
