Covadonga Casado ganó’l concursu pal cartelu del VII Concursu de Sidre Casero de Piloña con ‘Remangu’.
LA SIDRA.- Al concursu presentáronse once trabayos, n’opinión del xuráu toos de gran calidá artística y los más d’ellos de firma femenina, ente los que resultó ganador el presentáu pola carbayona Covadonga Casado: ‘Remangu’. El premiu ta dotáu con 180 €.
L’Asociación de Sidre Casero de Piloña valoró que la participación foi un gran ésitu, de lo que se sienten enforma satisfechos, tantu cola bona rempuesta de los concursantes como pol so nivel artísticu.
Covadonga Casado estudió Belles Artes na especialidá d’escultura na Universidá Politéunica de Valencia y en Praga, con masters en Portugal y n’Uviéu, cuntando con una dilatada trayeutoria profesional, con numberose esposiciones colleutives ya individuales.
