La empresa xixonesa foi premiada pola so xestión, alliniada colos Oxetivos de Desendolcu Caltenible
LA SIDRA.- La certificación estrema a empreses y entidaes qu’amuesen nos sos procesos de xestión un altu grau de compromisu col cumplimientu de los 17 ODS (Oxetivos de Desenvolvimientu Sostenible), determinaos pola Axenda 2030 de Naciones Xuníes y que’l so oxetivu final ye una mayor responsabilidá en tomar de decisiones de tolos axentes del turismu, nos ámbitos ambientales, económicos, culturales y sociales, consiguiendo asina un aumentu de competitividá, calidá y diferenciación.
La postrera en xunise a esta llista d’entidaes certificaes foi Casa Trabanco, qu’esti mes de xunetu recibió de manos d’Ángela Pumariega, primer teniente d’Alcaldía del Conceyu de Xixón/Xixón, que declaraba “dende’l Conceyu, nesi apueste pol turismu de calidá y poles empreses comprometíes colos Oxetivos de Desendolcu Caltenible, la intención de siguir medrando nel sofitu ya impulsu a les nueses empreses llocales”, y Daniel Martínez, direutor de Visita Xixón, el certificáu, poniendo asina en valor todo los esfuerzos empobinaos escontra un modelu de negociu caltenible y un turismu de calidá.
Tradición ya innovación al traviés de les sos cuasique 100 años d’hestoria, destacando valores como’l curiáu del alrodiu y les sos xentes, y reflexaos al traviés de les recetes asturianes del so restorán, con ingredientes de la güerta y la sidre de la casa como protagonista principal. Una sidre con presencia yá en más de 22 países a lo llargo’l mundiu, amosando asina que progresu y orixe nun tán reñíos.
Too ello, xunío a la so tresparencia nos procesos productivos y la involucración del visitante nel mesmu, facilitándo-y na so visita la posibilidá de pasiar ente les pumaraes y deprender l’arte d’echar sidre, faen a Casa Trabanco merecedora d’una distinción qu’ensin dulda los engabitará a siguir correciendo.
