Tendrá llugar el prósimu 15 d’abril en Fuexu, Grau
LA SIDRA.- La reconocía intérprete de canción asturiana, Anabel Santiago, actuará na espicha entamada pola asociación Baracaxu, que xunce a los pueblos de la parroquia de Bascones -Grau-.
Los vales pa participar na espicha cuesten 18 euros y yá tan a la vienta na tabierna Tiblós, en Fuexu; y en Grau, nel bar La Partida.
La espicha cellebraráse nuna carpa na esplanada de la ilesia del pueblu, y amás de sidre inclúi chorizos a la sidre, costielles, güevos duros, empanada, quesu afuega’l pitu y arroz con llechi.
El númberu del val sirve pa participar nel sortéu d’un menú de fin de selmanes pa dos presones n’El Campu de Petra, en Bayu.
Ta previsto que la espicha entame a les 19:00 hores, y que fine a les 22:00 hores, dempués de la cuala escomenzará l’actuación d’Anabel Santiago.
Reserves nel teléfonu 678 399 071
