El Conseyu Regulador de la DOP Sidre d’Asturies presentó’l proyeutu ‘Sidre d’Asturies Lab’.
LA SIDRA.- Trátase del aniciu de grupos de trabayu protagonizaos por mozos asturianos ente 18 y 30 años, cuyu retu foi afondar sobro esti productu representativu de la gastronomía y la cultura asturiana.
Con estes dinámiques pretendióse, per un llau, conocer les esmoliciones de les nueves xeneraciones y, per otru, definir un plan d’iniciatives de marketing orixinal. Ello ye, un espaciu onde mozos amigos de la sidre y la mazana asturiana collaboraron cola DOP Sidre d’Asturies coles mires d’ellaborar un plan de promoción de la Sidre con Denominación d’Orixe Protexida.
Demientres la presentación, los mozos participantes tomaron voz pa illustrar les idees más orixinales puestes de mancomún demientres les sesiones de trabayu. Munches d’elles empobinaes a dar puxu esti productu en festivales, redes sociales, esperiencies gastronómiques o demientres el Dii Mundial de la Sidre.
