El prósimu vienres 24 de marzu presentaráse’l XIII Salón Internacional de les Sidres de Gala en Le Mans (Francia)
LA SIDRA.- Al actu ta prevista l’asistencia del propiu alcalde d’esta llocalidá francesa, capital del departamentu de Sarhe, lo mesmo que d’enólogos, llagareros del Loira -dalgunos d’ellos participantes n’ediciones anteriores del SISGA– espertos tastiadores y estremaos medios de comunicación.
Na presentación, que se va rializar nel Restorán Creperia Chez Clemence, esti vienres 24 de marzu a les 7 de la tarde, podrán tastiase sidres de Domaine de La Mer, de Ophelie Lepelletier –sidra, aguardientes y llicores de sidra- y una seleición de sidres Premium del XIII Salón Internacional de les Sidres de Gala realizáu en 2022.
Esta ye la primer presentación internacional del XIII SISGA, tando previsto rializase actos asemeyaos enantes de la fecha de cellebración del eventu (28 de setiembre al 1 d’ochobre) en Portugal, Alemaña, Chequia y Xapón.
L’oxetivu d’estes presentaciones ye internacionalizar l’eventu y dar a conocer en caúna de les presentaciones les estremaes variedaes de sidre que se realicen nel mundu, y de xacíu, difundir lo que ye Xixón, Asturies y la cultura asturiana de la sidre.
