Pepe Riestra presenta’l so llibru sobro’l pumar esti vienres 20 xineru, a les 19:30 hores na casa cultura de Santuyano, Bimenes
LA SIDRA.- “Una vida natural al lado de un árbol: El Manzano” ye l’entítulu d’esti llibru, nel qu’arriendes d’apurrir de forma bien didáutica los conocimientos téunicos y práuticos rellacionaos col curiáu d’esti árbol y la produición de mazana, l’autor fai una revalorización siempres necesaria del mediu rural y tresmite unos valores, qu’en rialidá son la xustifición del propiu llibru.
En pallabres del autor:
“Una economía llinial ye incaltenible. Nun pue producise, consumir y dempués desperdiciar o tirar.
Hai que dir a una economía circular “CALTENIBLE, lo que siempres fixo la naturaleza por sigo sola. Producir, consumir y aprovechar les borrafes como recursos.
Hai qu’aprovechar too, non solo productos alimenticios, istrumentos, muebles, oxetos, etc. Tolo que nun momentu determináu pensamos que yá nun sirve quiciabes tea una segunda vida.Si a nós yá nun mos val, quiciabes a otros sí pueda sirvi-yos”.
Darréu la presentación habrá una charra sobro los problemes de la vecería y la forma solucionala.
