Col empiezu del añu, los bonos deseyos son obligaos, y el seutor de la sidre precisa esos bonos deseyos, esos oxetivos qu’añu tres d’añu van dexándose pasar, condergando al seutor a una situación de paralís na que los problemes repitense y agraven.
LA SIDRA.- Somos coscientes de que les nueses propuestes puen nun ser tolo profesionales que debieren, tampoco lo prentendemos. Namá queremos destacar delles necesidaes evidentes a les que nun acaba de llantase cara, ya intentar que tenga unes repercusiones práutiques el fechu de que la cultura asturiana de la sidre tea declarada pol ‘Principado’ como Bien d’Interés Cultural, y seya candidata a la reconocencia como Padremuñu Inmaterial de la Humanidá pola Unesco.
Estes son les nueses propuestes pa esti añu, de xuru que nun tán toes, pero per dalguna parte hai qu’escomenzar.
