Impresionante tastia/harmonizaxe de 15 quesos azules con 5 sidres de xelu
LA SIDRA.- El prósimu xueves 17 payares, el Restorán Doña Concha tien entamada una tastia de 15 quesos azules, seleicionaos pol mayestru afinaor Aitor Luis Vega y/con 5 sidres de xelu, ente les que s’atopen les de Valverán, Viuda de Angelón y Panizales recientemente gallardonaes nel XII SISGA, seleicionaes pol sumiller Juan Luis García (Campión del Mundiu IV Copa Jerez – 2017).
Trátase d’una ocasión única, non solo pola calida de los productos, sinon pol nivel de los que van presentalos, ensin escaecer lo afayaízo que resulta pa la esperiencia les istalaciones del Restorán Doña Concha.
El preciu d’esta tastia/harmonizaxe ye de 38 euros, rializaráse’l prósimu xueves 17 payares de magar les 20 hores, y les reserves puen faese nel mesmu Restorán Doña Concha, o nel teléfonu 985 13 96 82.
