“Echaores, pumareros y llagareros tenemos que dir de la man; si falla ún falla too”
LA SIDRA.- Loreto García vive por y pa la sidre. Campiona d’Asturies d’Echaores en 2009 rexenta dende fai 25 años la sidrería polesa El Madreñeru, siendo una asidua como xuráu n’estremaos concursos de sidre y d’echaores.
¿Cómo escomenzó nel mundiu la sidre?
En 1997 abrí la sidrería El Madreñeru en La Pola y nel añu 2000 fixi un cursu d’echaores con una de les hermanes Ovín y ente les dos, fuéronme perfeicionando fasta ganar, en 2009, el Concursu Rexonal d’Echaores, superando a les mios mayestres. Dende l’entamu, metíme de llenu nel mundiu la sidre y deprendí de bien bonos maestros como Villarrica, Sindo, Ovidio o Belisario. Ye un mundiu que m’apasiona y cuando voi con llagareros veteranos siempres apriendo d’ellos porque saben munchísimo.
