El proyeutu de reciclaxe del corchu n’Asturies
LA SIDRA.- Énte’l retu de reciclar el corchu de la sidrE, una borrafa güérfana”, la DOP Sidre d’Asturies, Cetemas y l’Asociación Arramaos Cero punxeron en marcha’l proyeutu “Recorchu” coles mires d’analizar la viabilidá de la recoyía de los corchos de la sidre nos llagares y el so tresformamientu n’otros oxetos; concenciando de los beneficios de la so recoyía y evaluando los sos potenciales usos.
El primer pasu foi la criación d’un vidiu divulgativu centráu n’Amenorgar, Reutilizar y Reciclar les borrafes derivaes de l’actividá del seutor de la sidre como exemplu d’economía circular.
La so presentación nel marcu de FIDMA 2022 vieno acompangada de la recoyía voluntaria de los corchos xeneraos demientres el desendolcu de la Feria pa evitar el so depósitu en vertideru, col so consiguiente aforru d’emisiones de CO2. La prueba pilotu féxose con dos sidreríes nes que se recoyeron más de 20 quilos de tapones de corchu.
La prósima aición va tener llugar nes xornaes Xixón de Sidre d’Asturies, del 13 al 23 d’ochobre, nel que s’espera valorizar más de 100.000 corchos gracies a la collaboración de 35 chigres.
