L’eventu sidreru más internacional de tol Estáu va presentase a los medios de comunicación el prósimu llunes 26 de setiembre
LA SIDRA.- La decimo segunda edición del Salón Internacional de les Sidres de Gala presentaráse a los medios de comunicación na mañana del llunes 26 de setiembre.
Concretamente, l’actu va tener llugar a les 11:30 de la mañana na Casa Paquet, see actual de Turismu Xixón, y na presentación van intervenir:
- Manuel Vallina. Conceyal de Cultura del Ayuntamientu Xixón
- Marcos A. Fdez Marqués. Presidente de la Fundación Asturies XXI
- Manuel G. Busto. Presidente del Xuráu Internacional de los Premios SISGA
- Maria José Fernández, direutora del CIFP Hostelería y Turismu de Xixón
El Salón Internacional de les Sidres de Gala -SISGA- ye un eventu internacional que fai de Xixón la capital mundial de la sidres “de copa”, non escanciables, y de tolos sos productos derivaos, como auguardientes, llicores, sidre de xelu, sidre de fueu… cuntando con una importante presencia de llagares internacionales.
Enagora podemos allantrar qu’esti añu va ser el de mayor participación y tamién el que va cuntar con más actividaes abiertes al públicu en xeneral.
