A diferencia d’otros concursos, puen participar llagareros de toa Asturies.
LA SIDRA.- El 26 y 27 d’agostu cellébrase n’Onís la tercer edición del Concursu de Sidre Casero, qu’a diferencia de lo avezo n’otros concursos d’estes carauterístiques, nun tará llindáu a los llagareros del conceyu, sinon que puen participar nelli llagareros de tol país.
Esti añu ta confirmada la presentación de llagareros d’Onís, Piloña, Siero, Parres, Ribeseya, Llanes, Cabrales, Cangues d’Onís y Ribadeva, cuntándose agora mesmo con unos 30 participantes.
El vienres 26 d’agostu cellebraránse les semifinales na plaza de la Casa Conceyu, en Benia, y yá’l sábadu 27 a les 17 hores, tamién en Benia, tendrá llugar la final, y la preba popular de la sidre casero.
Los tres primeros clasificaos del conceyu d’Onís, representaránlu nel Concursu de Sidre Casero d’Asturies, que se cellebrará nel mes d’ochobre en Villaviciosa.
