Güei, 7 d’agostu de 2022, tuvo llugar la Grande Parade del Festival Intercélticu de Lorient, escaparate de les 9 naciones celtes que participen. Tres la vuelta a la normalidá dempués del coronavirus, el Festival Intercélticu de Lorient recuperó pa la so 51ª edición el tradicional desfile de les naciones celtes.
La delegación asturiana, que taba representada esti añu pola Banda Gaites Llacín y el grupu de baille Trebeyu, amás de representantes del gobiernu y de LA SIDRA percorrió les cais de la capital del interceltismu a primer hora de la mañana. Na edición d’esti añu participaron un total de 68 agrupaciones, veníes de tola xeografía celta, con un públicu estimáu de 50.000 persones, amás de les graes del estadiu Moustoir.
L’actividá algamó les 4 hores de duración. Como novedá, nesta edición optóse por camudar el percorríu de los últimos años por ún anterior, en previsión de l’alta temperatura que va carecer el golfu de Morbihan nos prósimos díes.
