La III Xornada de la Sidra cumplió coles meyores espeutatives, con trunfu de Toño ‘El Maestru’ nel concursu de sidre casero
LA SIDRA.- Entamáu pola Peña MÍLWAUKEE el domingu 19 de Xunu cellebróse la III Xornada de la Sidre de Carbayin cola participación de los llagares: Vallina, Riestra, Fanjul, Contrueces, Muñiz y Alonso.
Al empar cellebróse una tastia popular a ciegues de 6 sidres caseres, resultando ganador Toño ‘El Maestru’, en segundu llugar José Alberto Silva y el tercer puestu foi pa Iván el d’Acebal.
Vendiéronse 340 vasos de sidre comemorativos del certame y repartiéronse 432 botelles de sidre de los 6 llagares collaboradores, amás de la sidre casero presentada a concursu.
Una mañana escelente, bon tiempu, con munchu públicu y perbon ambiente sidreru, too ello acompangao d’una bona variedá de pinchos, bollos preñaos y bocadiellos pa ‘forrar’ la degustación de la sidra. El de carne guisao cenciellamente espectacular.
